Google+ Badge

قناتي علي اليوتيوب وجوجل

world negm

*** * * ****** **** **زواري من العالم**

نموذج الاتصال

الاسم

بريد إلكتروني *

رسالة *

Google+ Followers

هنا القران الكريم بصوت كل القراء

الترجمهTranslate Blog

قائمة المدونات الإلكترونية

negm maher

negm maher
negm maher respact and care all my friend

بحث هذه المدونة الإلكترونية

اخبار مدونه عالم نجم

المشاركات الشائعة

إجمالي مرات مشاهدة الصفحة

التسميات

Loading...
Loading...

Follow by Email

الخميس، 19 نوفمبر 2015

مقاله جميله :إزاي توصل قنبلة لطائرة؟

علاء حموده يكتب: إزاي توصل قنبلة لطائرة؟ . فيديو يبين كيف سقطتت الطاءره الروسيه . فيه خلط عند الناس في دور ومهمة الطبيب الجنائي أو الشرعي عموماً.. ساهم فيها عشرات المسلسلات والأفلام الأجنبية زي CSI.. معظم الحاجات في المسلسلات دي بتبقي غلط ومبيحصلش كده في الواقع علي الإطلاق.. كنت زمان مبهور بـCSI.. لكن لما درست طب جنائي بقيت بقعد أمام الحلقات دي أشد في شعري.. و يبقي كابوس عمرك لو اتفرجت علي حلقة من دول وحاولت تستمتع و انا جنبك… دا غير الخلل المعتاد لدى الأطباء في العالم العربي.. وفكرة إنه مبيطورش نفسه.. و “أنا بقيت دكتور.. أقرا ليه”.. أو الفتوى الذهبية: “ماعرفش”.. إلا قليلا ممن رحم ربي… يعني ممكن تسأل طبيب في أي تخصص آخر عن نقطة في الطب الشرعي.. و يبدأ يرتجل و يألف.. مع إن الرد المنطقي ساعتها “مش عارف.. مش تخصصي.. محتاج أراجع.. إلخ”… كنت من فترة باتكلم مع “معيدة” طب شرعي.. و سألتني بقرا إيه حاليا.. فقلتلها “علم الحشرات الشرعي forensic entomology”.. فكان الرد العبقري: “حشرات؟ انت خريج زراعة”؟ الطبيب دا بيدرس كل تخصصات الطب من الأسنان للعظام للأطفال للأمراض للجراحة للطب النفسي.. أي تخصص طب تحلم بيه بيدرسه الطبيب الجنائي.. بيزيد عليهم دراسة المفرقعات و المقذوفات وأوليات الهندسة و علوم التربة و الجيولوجيا و طبقات الأرض.. بيدرس غزل و نسيج و يعرف أنواع خامات الأقمشة و الملابس.. بيدرس تحليل طيفي وأوليات علم الهندسة و الفيزياء و معامل الإنكسار و سرعة الهواء.. بيدرس حشرات.. بيدرس بيطري.. بيدرس أغذية.. بيدرس وثائق و مستندات.. بيدرس تصوير.. بيدرس لغويات و صوتيات.. بيدرس علم أجناس.. بيدرس كيمياء.. بيدرس نووي و إشعاع.. إلخ.. بعدها بيتخصص في تخصص معين.. حشرات فقط.. يفحص اليرقات اللي علي وحول وداخل الجثة و يقولك عمرها قد إيه.. و نشطت إمتي.. هل هي من المكان دا وللا الجثة اتنقلت.. يا ترى في حشرات ماصة للدم في المكان؟ يا ترى خدت حاجة من القاتل؟ ممكن نفحص آثار للحمض النووي للقاتل فيها؟ سيدة تشاجرت مع جوزها في الولايات المتحدة و هددها بالقتل أمام شهود.. بعد يومين لقوا عربيتها مقلوبة من علي منحدر متعودة تسوق جنبه كل يوم.. الاتهام أن الزوج قتلها و دفع بيها السيارة من علي المنحدر… طبيب الحشرات الشرعي يكتشف إن دا محصلش.. و إن الزوجة و هي سايقة لقت معاها في العربية ضيف غير مرغوب فيه.. “دبور” .. تخيل إنت سايق و قافل الإزاز ومشغل التكييف.. و فجأة.. تلاقي دبور عملاق بيزن حوالين راسك.. دا خلاها تنحرف بالعربية و تهوي و تموت… بيتخصص أنثربولوجي .. يا ترى العضمة اللي لقاها كلبك علي الشط قدام الشاليه بتاعك.. عضمة بشري و للا حيوان؟ في هيكل كامل مدفون هنا؟ الهيكل دا عمره عقود و للا هيكل لجثة نجمت عن جريمة عمرها سنة؟ يا ترى الهيكل دا كامل؟ لراجل و للا ست؟ عمرها قد ايه؟ مين هي و ماتت ليه و إزاي و إمتي و مين اللي قتلها؟ بيتخصص نفسي.. و يقولك الشاهد دا كذاب و للا لأ.. و اتعرض لضغط و للا لأ.. و المجرم اتهدد عشان يعترف و للا لأ.. بيتخصص تربة عشان يقولك الجنينة دي فيها قبر حديث.. حد اتقتل و اتدفن و طبقات التربة اتلخبطت.. و دي نفس التربة من نفس المكان الموجودة علي حذاء المتهم.. بيدرس أمراض و جراحة .. يقولك المريض دا مات من إهمال طبي و اتعالج بكذا و كان المفروض يتعالج بكذا.. و الجرّاح عك و غلط في كذا.. الضحية دي اتسممت.. بسم أو مخدر نوعه كذا.. دا خدته لوحدها.. و للا حد اداهولها قسرا.. مين و ليه و إزاي.. دا طبيب الشرعي السموم .. إلخ… طبعا كلامي ممكن يكون غريب حتى علي بعض السادة الأطباء.. دا لأني باتكلم عن دراسة و تخصصات الطب الشرعي في العالم الأول مش في جامعاتنا العربية المباركة… الطبيب الشرعي بيجمع الاشلاء الناجمة عن حادث طائرة (طبيب شرعي حوادث) و يركب كل جسم لوحده قدر الإمكان و يلاقي كل أجزائه.. و يفحصهم واحد واحد… العمليات البحثية اللي بيعملها الطبيب الشرعي دي ممكن تاخد من ساعات إلي أيام.. إلي سنين… المقدمة دي كانت طويلة و مملة و ضرورية.. عشان محد يتصور الموضوع سهل زي الأفلام و مسلسلات التليفزيون.. يكفي إنك تعرف إن نسبة فشل اختبار الدم في تحديد المجرم 86% تقريباً.. و نسبة فشل الحمض النووي 60%… فريق الطب الشرعي بكل تخصصاته اللي فوق بيتعاون.. عشان يوصل أولا إلي “مين الضحية” و ثانيا “مين القاتل”.. و بتتخللهم بقي إزاي و ليه و إمتي.. إزاي تحط قنبلة علي طائرة متجاوز كل الإجراءات الأمنية؟ سنة 2000 كان في سيدة تركية قادمة من أنقرة بتمر من مطار دولة عربية من دول الخليج.. مطار مشدد.. إجراءاته مفيهاش هذي و لا هزار.. و شايلة علي إيديها طفلة صغيرة عمرها 11 شهر نايمة في سبات عميق.. عدت من كل الإجراءات.. لولا إن شرطية من الشرطيات في المطار قررت تداعب الطفلة بحنان.. و فوجئت إن خد الطفلة بارد زي التلج.. مع ارتباك الأم المزيفة.. اصطحبوا السيدة دي إلي مكتب قائد المطار.. و هناك فوجئوا إن الطفلة ميتة.. بالبحث.. اتضح إن دي طفلة اتخطفت من يومين.. و اتقتلت قبل السفر بساعات.. و اتفتح بطنها و اتفرغت أحشائها و اتملت مخدرات و اتخيطت.. و لبسوها هدومها و اتلفت في ملايات البيبي و كان المفروض السيدة تمر بيها في هدوء لولا الحادث المفاجيء اللي حصل… لو عايز تشوف المنظر دا و لو إني لا أنصحك.. إبحث في جوجل علي صورة Baby drug mule.. حاتشوف عدة حوادث زي دي حول العالم.. عشان كده هي دراسة و مهنة قاسيتين جدا و بتسبب ضغط عصبي عنيف في كتير من الأحيان… مين من رجال الشرطة في أي مطار في العالم بيقول لأم حاملة رضيع: “هاتي ابنك أشوفه حي و للا ميت”… ملحوظة علي الهامش.. ممكن تبقي راجع من المشرحة حالا و شايف منظر البيبي دا في درس عملي مروع.. و تدخل أونلاين تلاقي واحد باعتلك: “انت بتحب الحيوانات ليه دا مالوش علاقة بدراستك (تحب أشيرلك صور جثث؟)/ أنا عايزك في موضوع.. أنا مش عارف بتكره الإخوان ليه”؟ و عايز يتناقش في عته… في سنة 2009 اتمسك في الولايات المتحدة شاب في المطار.. بالع إصبعين من مادة تي إن تي الشديدة الإنفجار مغلفة بالبلاستيك.. و كان يفترض إنه يدخل التواليت و يدس اصبعه في حلقة و يقيء و ينزل المفجر و يستعمله.. لولا إن المفجر اتحشر عند قصبته الهوائية و بدأ يختنق… . مريض لا قدر الله عندك القلب و معاك علبتين بخاخ “نيتروجليسرين”؟ في 2011 اتمسك في ألمانيا شابة من أصول عربية معاها بخاخة صدر لمرضي حساسية الصدر.. البخاخة دي غير كل السوائل.. مسموح بيها علي الطيارة.. البخاخة كان فيها “نيتروجلسرين” متفجر.. و مجهز بحيث إنه ما كان عليها إلا إنها ترجها بعنف فقط عشان تنسف زجاج الطيارة جنبها و تقع الطيارة بمن فيها.. شاري برفان من السوق الحرة؟ في 2012 سيدة أمريكية.. أخرجت عبوة عطر اشترتها من المطار.. و أخرجت ولاعة من جيب خفي و بدأت تشعل النار في الكرسي اللي قدامها في الطيارة بدون سبب معروف و لا مفهوم.. معاك موبايل أندرويد فيه بطارية ليثيوم؟ يكفي غنك تخرق البطارية دي بس عشان تنفجر و تشعل النار علي الطائرة؟ لو عايز تعرف بطارية موبايلك ممكن تنفجر إزاي و تسبب حريق.. اكتب علي يوتيوب “android lithium battery explosion” و اتفرج علي الدرر… سمعت عن الـPyrotechnic fastener؟ دا مفجر في حجم صبعك الصغير.. و بيتنكر في شكل الأقلام اللي بتتحط في الجيب و تتحط في شنط السفر و بيتفجر عن بعد .. إيه رايك. حضرتك سائح و اشتريت التذكارات دي من عندنا.. خد القلم دا هدية… سمعت عن السيجار المتفجر Exploding cigar ؟ أنا سائح و شاري علبة سيجار فاخر يا اخي.. انت مالك؟ .. مين حايفحص كل دا للمسافرين و إمتي و إزاي؟ لحد دلوقتي دا مستحيل.. و مفيش تكنولوجيا بتفحصه إلا لو في بلاغ.. ساعتها بتتفحص الأمتعة و الركاب و الطيارة بالشكل دا.. و بتتلغي الرحلة و الفحص ممكن يقعد مدة طويلة… علشان كده بالذات.. فرنسا قفلت الحدود.. لأنه من الصعب تلم كل القرف دا في ساعات و تحافظ علي مواعيد رحلاتك في الوقت ذاته… كون إن روسيا تعلن إنه عمل إرهابي فدا أكيد.. فريق من الأطباء الشرعيين مناموش تقريبا طول الأسبوعين اللي فاتوا.. أو عمل مخابراتي علي مستوى عالي.. أقدر أقولك إنه عمل إرهابي.. ماشي… إزاي وصل للطيارة دي قصة أخرى.. محتاجة إني أجمع كل ملليمتر و كل شظية من الطيارة اللي تناثرت في الصحرا.. واركب الجثث وافحصها واعرف في حيوانات مفترسة جت خدت منها أجزاء و للا لأ.. و بعدين أركب الطيارة نفسها من جديد و استبعد الأجسام الغريبة.. و بعدين أدرس الأجسام الغريبة وأفرزها.. و بعدين أقولك: المفجر كان إيه و دخل إزاي.. دخل في شكل من الأشكال دي؟ دخل إهمال.. دخل من عامل الصيانة الي بيفرغ تانك تواليت الطيارة في روسيا أو بيزودها بالوقود.. آلة صديقة مسموح بيها زي بطارية الليثيوم؟ ساعة؟ جهاز تنظيم ضربات القلب؟ عكاز؟ ايه اللي حصل و حصل إزاي؟ “إزاي” دي في ناس بتضيع سنين من عمرها عشان تعرفها… موضوع “لازم نعلن إن في إهمال” دا عبث.. و العبث مالوش مكان في الأمور دي… قد يكون إهمال.. و قد يكون لا.. ممكن يبقي شيء آخر.. مش ضروري تتكلم في كل حاجة…

ليست هناك تعليقات:

إرسال تعليق