القاتل سايبه ليه حضرتك العيب فينا ولا في قانونك ولا في زمتك

*القاتل سايبه ليه حضرتك العيب فينا ولا في قانونك ولا في زمتك *الضابط ضياء راح غاب مات ضاع والقاتل طليق حر متنعم بخرستك *دم وأرض روح صرخت أتالمت عداله أتبلمت اشتكت لربي فعلتك *كيرلس والشيخ عفت وابو شقرا واللوا البطران زمبهم في معيتك *جيكا ومحمد وأحمد وسالي هند وجندي الحدود وجنود حرستك *كل دول دمهم راح وانتا في ايدك مطرقتك وقاعد علي منصتك *لا غيرت ولا بدلت ولا عدلت موادك.؟ وما شفنا غير تغيير بدلتك *مش خايف منا ولا دعوه يتيم ولا دعوه أم طيب خاف من اخرتك *القاتل سايبه ليه حضرتك العيب في قانونك ولا فينا ولا في زمتك *عايز أااه دليل غير أن القاتل رصاصته الغادره معلمه في امتك *الخيانه والدم والقتل والحرق والتفجير والتدمير ما حركوا شهيتك *العصابه الفاجره القاتله كبيرهم كل يوم في الجلسه أدام حضرتك *وانتا سيادتك فخامتك ودن من طين وودن من عجين يا جبلتك *ولا جلسه سمعت صرخه انتفاضه تقيم دوله عدل تبدل ضلمتك *تمص في دمنا بحصانتك وحراستك وراتبك وعلاواتك وفيلتك *القاتل سايبه ليه حضرتك العيب في قانونك ولا فينا ولا في زمتك *يارب يا قادر يا عادل رحمتك علينا وعليهم غضبك بطشك لعنتك *الضابط ضياء مات زي كتير غيره من شباب مصر ويا البنات *بأم شهاده وفاه وبكتيره سرادق تعازي ونعي في صفحه الوفيات *وسي شامخ عادل يؤجل يتنحي ويستشعرحرج ويحفظ التحقيقات *سي شامخ خد حصانه سياره شقه سافر يتفسح مقضيها شاليهات *ومحاكم لا بتحاكم ولا تشفي غليل اطفال أتيتمم و لا دمعه امهات *أمهات اتأيمت بنات في سن الورد بين صبح ومسي بقم أرملات *وأحكام متعطله والبيه بدلته مزهره ولو حكم براءه أو خربشات *وممنوع علينا احنا المظلومين نعلق وناقص يمنعونا من السكات ومش عجبي negm maher negm negm maher negm